انت ..
بتتقشر .. ولا بتتكسر ؟
من فترة قعدت افكر في الشخصيات اللي حوليا ..
وبصفتي شخص بحب اتفلسف :) , استنتجت حاجة مهمه جداً ... هشارككم فيها ..
بتتقشر .. ولا بتتكسر ؟
من فترة قعدت افكر في الشخصيات اللي حوليا ..
وبصفتي شخص بحب اتفلسف :) , استنتجت حاجة مهمه جداً ... هشارككم فيها ..
الناس - يا إخواني - ينقسموا لقسمين ..
ناس بتتأشر ( من التقشير .. زي تقشير البرتقاله ده ) ..
وناس بتتكسر ( زي تكسير البيضة ده )
في ناس بنقابلهم في حياتنا , بيبقى من الصعب جداً اننا نفهمهم .. صعب نعرف تفكيرهم ووجهة نظهرهم , وأنا بعتبر نفسي من الشخصيات دي , لأني دايما بدي انطباع اول مش حلو اوي :) .. الناس بتقول عليا مش مرحب و منغلق .. يمكن عشان حدة الخجل عندي ممله شوية :) , بس عادة محدش بيقدر يفهمني غير بعد فترة ..
المهم , الشخصيات دي بتحس انك بتفهمهم كل يوم أكتر .. بتكتشف فيهم كل فتره ميزة .. و عيب .. ولكن كل فترة بتحس انك بتحترف التعامل معاهم اكتر :) ..
فيه ناس بتشوف ده عيب .. وناس بتشوفها ميزة ..
والناس اللي شايفه ده عيب .. بتحب النوع التاني.. النوع اللي بيتكسر. .
النوع اللي انت اول ما تشوفه و تكلمه .. خلال 5 دقايق تلاقي نفسك عرفت قصة حياته .. عرفت تفهمه .. عرفت تتعامل معاه! ..
النوع ده انا قابلته كتير.. نوع من الناس (العشرية) .. مجرد ما تقعد معاهم تحس انك اندمجت معاهم وعرفت كل حاجة عنهم .. بس دي محتاجة الشخصية تكون جريئة , منفتحة , وقادرة على الخوض في مختلف المواضيع مع مختلف الاشخاص ..
وبرضو في ناس بتشوف ده عيب .. وتشوف ده ميزة!
فكر كده و شوف نفسك .. انت بتتأشر.. ولا بتتكسر ؟؟
7 comments:
بجد بجد
انت جامد اوى
والموضوع جامد جدا
انا مش هتكلم اكتر من كده
لانى لااجيد الكلام
بس انا من النوع اللى صعب تفهمه
ولا برتقال ولا بيض
اعتقد برضو عشان انا الخجل عندى بيمثللى كارثة كبيرة
تحياتى ليك على البوست الرائع والفكرة الجامدة موت دى
ومبروك عالبلوج
انا اول مرة اشوفه
وهاتشوفنى كتير ان شاء الله
انا اول مرة ادخل المدونة دى.. و جبتها من توقيع حضرتك برضه
لذيذ الموضوع اخر حاجة..و انا عن نفسى ببقى من النوع اللى بيتقشر..بس مع ناس معينه بلاقى نفسى فجأه مش بتكسر..بتفتت
:)
تحياتى لحضرتك
شكرا يا فارما بوي :) .. نورتني .. والظاهر فعلا في ناس كتيير بتتقشر شوية و تتكسر شوية :D
شكرا يا سخسوختي , :) .. اه منا انا كنت قبل كده بكتب المجلة (هتلاقيها على اليمين في لوجو مكتوب عليه الأرشيف بتاع تخاريف مصرية ) , بس بعد كده قررت اتطور واقلب على بلوج :D .. ياريت تشرفينا بالزيارة دايماً ..
واكيد .. كلنا متفقين ان فيه شخص .. بيجي مره واحده في الحياة , و لازم نتفتفت عنده :)
اولا مبروك على الاسم الجديد
شاي بالنعناع
وعايزه اعرف ايه سر العنوان :P
تاني حاجه بقى بالنسبه للتقشير ولا التكسير بصراحه مش عارفه انا ايه بس ممكن اقول عليا ميكس يعني ممكن ناس اتعود عليهم بسرعه جدا وناس تانيه يعني شويه شويه
بس لفت انتباهي لمقطه دايما انه الناس االلي بتعامل معاهم بمبدأ التقشير هما اصحابي الانتيم يعني الناس اللي فعلا بعزهم بجد :)
وطبعا نورت :P
:D
والله وانا نفس النظام .. فعلا أقرب الناس .. اقربهم قوي .. هم الناس اللي بيتقشروا :) .. اللي فعلا بستمتع كل يوم بمعرفة جانب جديد في شخصيتهم :) ..
اكيد منورة :P
امممممم
موضوع لذيذ ...
لكن برده سواء بيتكسر او بيتقشر بيتبقى جزء فى الشخصيه دى محدش بيوصله
يعنى جوه صفار البيضه لما انكسرت مش شفنا فيها ايه
وبرده جوه فصوص البرتقاله مش شفنا فيه ايه
اعتقد ان جوه كل شخص جانب مظلم هو نفسه يجهل الكثير عنه
تحياتى :)
Post a Comment