مين فينا مش فاكر احمد حلمي أما دخل المسرح عند نور في فيلم (ظرف طارق) .. وقالها (انا حلمت بيكي) ..و بدأت الموسيقى التصويرية تنساب بهدوء من الاوركسترا .. لتضفي على المشهد جمالاً و رقة و اثارة للمشاعر .
مين فينا مشافش احمد السقا وحنان ترك في (تيتو) اما قالها انه عايز يتجوزها .. ورجعت قالتله انا (فكرت ) .. وموافقة .. وبدأت موسيقى رقيقة مع الدموع التي ترقرقت في عينيهم من الفرحة ..
كل المشاهد بتخليني اقتنع بحاجة مهمه اوي .. اكيد حياتي هتبقى اجمل كتير لو كان فيها Background music او موسيقى تصويرية!
أحيانا ممكن تتحط في موقف مؤثر .. في كلام , وداع , عتاب , .. بتلاقي نفسك بتتخيل في اللحظة دي صوت الموسيقى بتداعب خيالك :) ..
في اوقات كتير اما بكون مضايق.. بنزل امشي في الشارع لوحدي .. وسط الزحمة و السيارات , واتخيل اني بصور مشهد سينيمائي لوحدي , وان فيه موسيقى شرقية مبهجة تنساب من كل الجوانب حولي ..
الحياة فعلاً كانت هتبقى اجمل لو كل موقف بنمر فيه بنسمع له موسيقى تصويرية ..
لكن لا مانع ان نشعر نحن بتلك الموسيقى في اذهاننا .. نشعر نحن بهذا الانسياب الرقيق لتلك الموسيقى العذبة في كل موقف .. سواء في العتاب و الغضب والوداع و الفرحة .. سنشعر عندها بشعور جديد مختلف .. !
2 comments:
ساعات بتبق الضوضاء هى افضل موسيقى تصويريه للموقف نفسه
لدرجه انه مينفعش يبقى فى حاجه تانيه بدلها بالظبط زى الصمت احيانا لازم يكون هو سيد الموقف بل بيديه لذه وطعم غريب
تحياتى وتقديرى للبوست الجميل ده
ولحضرتك قبله طبعا :)
:) شكرا د.رنا على رأيك العميق ..
وشكرا على مرورك :)
تحياتي ليكي
Post a Comment