فكر في البيئة يا عم !

لأن البيئة في خطر..

ولأننا مقبلين على أيام ما يعلم بيها إلا ربنا ..

فكر في البيئة يا عم!

كم واحدمن الناس اللي عندها مكيفات .. عندهم المنظر ده في البلكونة :

من خلال تصفحي لبعض المواقع .. شفت أفكار جديد في الخارج .. من علماء و جامعات , و وحتى افراد .. بيفكروا ازاي يستخدموا الأفكار العلميه لمواجهة نضوب موارد الببيئة .

وأهمها هي المياه
تخيل ان المكيف في الاجواء العادية .. بيطلع ما يقرب 20 ليتر في كم ساعة..
الميه دي حسب الدراسات اللي اتعملت عليه ..اثبتت انه ماء مصنف كـ (ماء رمادي) .. وتصنيف الماء ده مصنف المياه باللون حسب درجة النقاء .. فالماء الرمادي grey water هو ماء نقي و لكنه يحتوي على بكتريا مضره للانسان اذا شربها..

لذلك فهذا الماء غير صالح للشرب .. لكن يمكن ان يتم تنقيته عبر فلاتر الرمال و ال PVC للحصول على ماء نقي نسبيا .. ايضا غير صالح للشرب و لكن يمكن استخدامه في عديد من الانشطة اللي بتستهلك ماء بشكل كبير..
زي مثلا تنظيف المرحاض بالسيفون .. تخيل انك مع كل دفقة ماء بتستهلك كام لتر ماء (حسب حجم المرحاض).. وكله ماء نقي ..
وممكن تستخدم في ري الحشائش و الزرع اللي مش بيتاكل منه (أضمن يعني ..) .. ونباتات الزينه .. و النجيله في الشوارع ..
وممكن تستخدم في غسيل السيارات و بالتالي هيوفر كم رهيب من المياه المهدرة في الحاجات دي

واحد الافكار الجميلة كانت استخدام الحرارة اللي طالعة من الكمبيروسير بتاع المكيف .. حط ايدك كده عليه و شوف السخونة اللي بيبقى فيها .. تخيل لو قدرت انك تستخدم الحرارة دي ..

وده اللي حصل من عدة مشروعات استطاعت تاخد الحرارة دي عن طريق عمود تسخين و يتم وضعه في برميل من الستانليس يستيل المعزول .. عشان يؤدي عمل سخان الماء .. و تقدر تدخل للبرميل ميه ساقعه .. وهتطلعلك ميه ساخنه .. وبكده توفر كم الكهرباء الرهيب اللي بياخده السخان .. و هتقلل من الانبعاث الحراري اللي بيطلع من المكيف و اللي معظم الدراسات بتقول ان كثرة المكيفات و كثرة الانبعاثات الحرارية سببت ارتفاع درجة حرارة في كثير من المناطق ..

لأ وكمان تخيل لو قدرنا نشغل المكيف ده بالطاقة الشمسيه .. ساعتها هتبقى حاجة قمة في العبقرية

وساعتها هيبان يعني ايه حد يفيد بلده بأفكار صح ..